طفلك والعطاء

س: هاتي حتة بسكوتة من دي..

بنتي: نظرة استنكار 😉 ثم نظرة للبسكوتة.. ثم قرار مُمكن بـ (نو).

س: إيه دا اوعي تكوني انانية يا بنتي ادي الناس.. ثم توجه الكلام ليا متعلميهاش كدا خليها تدي الناس متبقاش بخيلة؟
ونزلت عليا الصاعقة لقبين لحقوا بالبنت وانا واقفة (انانيه وبخيله) 😧

فحبيت اشارك كل أب وأم اتحطوا زيي في الموقف البايخ دا..

الطفل من الولادة لحد ٣ سنين ميعرفش غير يكون اناني ايوه بالظبط كدا زي ما سمعت متتخضش علي ابنك دا طبيعي لانه مولود معندوش إدراك غير أنه محور الكون وكل حاجه بتاعته..

لمعرفة الاحتياجات المختلفة للطفل في المراحل (من صفر : ١١ سنة)،
وأيضًا التحديات والمشاكل التي يواجهها الطفل والأهل في كل مرحلة.
اشترك الآن فى كورس مراحل النمو النفسى للطفل – من هنا

فنعمل إيه احنا بقي نبدأ نعلمه الحاجات دي بتاعتك ومش من حق حد ياخدها والحاجات دي مش بتاعتك ومينفعش تاخدها ونعيد ونزيد في المبدأ دا.. ليه بقي؟

عشان ببساطة الطفل بيتعلم الانانية لما يكبر من كتر ما اتقاله ادي اللي في ايدك للناس عشان تبقى حلو وتتحب.. وللأسف بيكبر وبيُستغل من الناس اكتر ويتشوه دافع الحب عنده.. ويبقى شخصية ضعيفة جدًا..

أو لما يحس ان حاجته مش ليه لما ممكن اي حد ياخد لعبته أو اكله أو ممكن كمان يجي ابن خالته يلبس لبسه ويروح بيه ويتقاله حبيبي دول ضيوف وهايمشوا معلش سيبلهم حاجتك..

هنا الطفل بيتعلم السلبية والتنازل عن حقه بسهولة في مدرسته وشغله وهكذا.. ويتحول لشخصية مهزوزة..

بس ينفع جدًا اعلم ابني يشير مع غيره بالتبادل حقي اخد وكمان ادي.. واعلمه يفرق بين حاجته اللي محتاج يحافظ عليها وهو كدا مش اناني خالص لان دي حاجته الخاصة..

كمان مش لازم يدي كل ما يملك عشان يبقى كريم ومحبوب.. بس ينفع اساعد الطفل يختار يدي إيه ويحتفظ بإيه ليه.. بدون إجبار لأنه ببساطة العطاء بحب احلى كتير من اي دوافع تانية.. وتبني شخصية الطفل في حق اختياراته وحقه انه يكون محبوب لشخصه مش عشان اللي بيديه..

وتيجي الاهمية الاكبر في دورنا كأب وأم اننا نكون نموذج حي للطفل بيعرف يدي بطريقه صح..

علموا ولادكم العطاء الحلو اللي ميتعبكمش ولا يتعبهم لما يكبروا.

كتبته: آن كمال

قد يساعدك الاشتراك فى كورس أسس التربية السليمة – للاشتراك اضغط هنا

انتقل إلى أعلى

مجانًا - سجل الدخول أولًا

للتسجيل في الكورسات الجديدة، وضمها إلي حسابك، ولمتابعة كل كورساتك وشهاداتك

 

تحتاج أولًا  للتسجيل بأي من:

لديك ببريد إلكترني مختلف؟ اضغط هنا