كلمة مُخيفة جدًا؟
هي العادة السرية دي مش سلوك جنسي يمارسه الكبار فقط؟
الإجابة: لأ والاطفال كمان بس مش من جانب جنسي.
تعال نعرف اكتر…
طفلك من عمر سنة ونص حتى سنتين بيبتدى يتحسس أعضاءه ويستكشف نفسه وكلنا واجهنا ده مع اطفالنا وإحنا بنغيرلهم أو في وقت تعليم التواليت، يبتدي يشوف إيه ده ويسأل ويمسك.
بعض الأطفال يمتد معاها السلوك من مجرد لمس واستكشاف إلى ممارسة بمعنى نلاقي الطفل أو الطفلة عند عمر ٤ أو ٥ سنين ابتدى يحك أعضائه في أي شئ (كرسي، سرير، مخده).
ابتدى ينشغل بالسلوك ده و يركز وهو بيعمله يحمر وشه.
يحصل ده اثناء مشاهدة التليفزيون مثلًا أو وقت النوم.
ممارسة العادة هنا هي فقط لجلب الراحة والتهدئة من التوتر المحيط بيه.
يعني ملهاش اي علاقة بالشعور الجنسي ❌
طيب اتصرف ازاي؟؟
لو لاحظت ابني او بنتي بيتصرفوا كده وهما لوحدهم لازم ادرك ان ابني يشعر بالاهمال والتوتر والفراغ
ابني او بنتي محتاجين حضن وطبطبة محتاجين ينشغلوا بنشاط ويفضل لو جسدي حركي.
هنا مينفعش احكم عليهم بقلة الأدب أو أن طفلي يعاني اضطراب جنسي او او او
ده تعبير طبيعي من الطفل وجد في الممارسة دي راحة لجسده وهدوء.
لمعرفةالمشكلات الأكثر شيوعًا والمتكررة عند الأطفال وطرق التعامل معها
اشترك فى كورس “افهم طفلك” على منصة نور – من هنا
✅ دوري احتوي بدون تعنيف.
✅ اوجه واشرح واتابع واراقب.
✅ اتأكد ان ابني او بنتي وقتهم مليان انشطة وناموا لما بطاريتهم فضيت.
✅ مسبش وقت فراغ طويل.
✅ مسبش طفلي لوحده في الاوضة واقول اهو ملهى.
✅ اتابع تكرار حدوث العادة (كام مره في الاسبوع او الشهر) اتفق معاه على مكافأت والغي المكافأت لو ملتزمش باتفاقنا.
✅ منتكلمش كتييير عن الموضوع، كل فين وفين افتح باب المناقشة بدون اتهام واستجواب. يعني اعمل اللي عليا واشوف النتيجة اللي ممكن تكون بطيئة اووووي بس اكون على دراية بحالة ابني مبكرًا قبل فوات الأوان.
✅ اقدم بدايل.. يعني لقيت ابني مش بيعرف ينام غير كده اديله فكرة تانية تخليه ينام. لو لزم الأمر وجودي جنبه، قراية قصص، سماع موسيقى، ينام برا الاوضة وانا انقله لما اتأكد انه دخل في نوم عميق؟
اهم حاجة كل ده اعمله بدون اتهامات، بدون تذكير وتأنيب ضمير، بدون ما افضحه أو افضحها ويحس انه بيعمل جريمة.
طيب امتى اقلق؟؟!
⬅️ اقلق لو الموضوع تطور و بقى بيحصل لا شعوري قدام الناس.
⬅️ اقلق لو حسيت بممارسة عنيفة وممكن تاذي طفلي جسديًا.
⬅️ اقلق لو حسيت ان ابني او بنتي تعرضوا لـ ده من شخص تانى.
⬅️ اقلق لو اكتشفت انهم ممكن يكونوا بيشوفوا مشاهد اباحية.
⬅️ اقلق لو ابتدوا يعملوا ده لاطفال تانية.
هنا لازم نلجأ لدكتور متخصص.. ولازم نركز وندور ونشوف التقصير حصل امتى وفين.