الإحباط هو أضعف شعور ناتج -ممكن الإنسان يشعر بيه- بعد الخذلان
إنك تحبطي من عدم اكتمال شئ أو شغل
أو إنك تحبطي من عدم إنجاز ولادك في اى إتجاه
إنك تحبطي بعد ما تكوني اتخذلتي من حبيب، قريبة، صديقة، حتى من نفسك
بتحسي طاقتك كلها وقعت، وإنه مفيش حاجة تستاهل تقومي وتعافري، بتبقي زي اللي كانت بتجري في ماراثون وموصلتش فـ بتبقي عاوزة ترمي نفسك على السرير محدش يقرب منك
جسمك كله بيوجعك بدون أسباب عضوية
نفسك مكتوم وحاسة بخنقة
ومفيش سؤال داير جواكي غير “ليه” ليه أنا بيحصل معايا كده؟؟!!
تفتكري ليه بتحبطي؟
قعدت افكر كتير ليه بلوم نفسي لما الناس تخذلني 😔
ليه بلوم نفسي على فشل ولادي في أي حاجة 😔
ليه بلوم نفسي على حاجة مكملتش 😔
ليه بلوم نفسي أنه كله مش ماشى ١٠٠٪ 😔
ببساطة💡
لأن توقعاتي بـ تسبق الواقع
قالب توقعاتي بيبقى واسع على اللي قدامي
توقعاتي بتبقى اعلى من قدراتي
ولاني منتظرة من اللي قدامي نفس المعاملة، يحقق التوقعات المطلوبة، يديني نفس مقدار الحب، يبقى بيتكلم نفس لغة حبي، نفس تفكيري
بصراحة لقيت نفسى بخلق الخذلان بأيدي 🥴 وارجع أحبط وأندم والوم نفسي
بحط اللي قدامي في امتحان “هو مش قده” ومش مطلوب منه ينجح فيه
بتوقع وبتوقع وبتوقع وماشية مستنية توقعاتي تنجح وهي مش مبنية على اساس
نصيحتي ليكي اول ما تشعري أن الأمور ماشية عكس الاتجاه ↪️
أن الدنيا مش شبهك مش شبه احلامك
أن الناس مش محققة ليكى الأمان اللي انتي مستنياه
اقفي وبصى على نفسك مش عليهم 👉🏼
وقفي اللي بتعمليه وغيري طريقتك انتي مش هما
سقف توقعاتك حطميه بأيدك لأنه هيتحطم هيتحطم🥺
⬅️ كل ما عليكي انتظاره فقط هو ما يستطيع اللي قدامك أن يقدمه 👌🏻
يقدمه بناءًا على شخصيته، خبرته، أخلاقه، قدراته
مش القالب اللي انتي رسمتيه
✅ دورك ترتبي احتياجك اللي مستنياه يتسدد من العلاقة دي أو الانجاز ده وتكوني صادقة جدًا مع نفسك مع ضعفك وقدراتك
✅ دورك ترتبي الاشخاص صح
دورك تشوفي كل فرد حواليكي بحجمه الحقيقي الطبيعي وتسيبي من ايدك النظارة المعظمة 🔭 اللي ماشية تبصي بيها على الناس تكبري حد صغير وتصغري حد كبير 😉